|
|
18/09/2011
文： 麥馬拿仁
英超四戰四勝入十五球，曼城都排唔到英超榜首，就係因為入波唔夠曼聯多！領隊文仙尼話明，要四大前鋒阿古路、迪斯高、泰維斯同巴洛迪利數得就數，贏兩、三粒都唔好停，今晚作客力求英超開齋嘅富咸，又點會唔開大？
（有線201及301台周日晚10時直播）
文帥落柯打盡數
曼城本季加入阿古路、拿斯尼、基捷基治等踢到曉飛，一開季就全面爆發，分別大炒史雲斯、熱刺同韋根，作客對保頓雖失兩粒，但都入番三粒補數，阿古路、迪斯高都試過大演帽子戲法，已真正成為爭標分子。上仗歐聯主場僅和拿玻里一比一，賽後文帥話唔滿意成績，仲話如果要於聯賽趕過曼聯，就一定要比死敵入更多波，陣中前鋒競爭激烈，鋒將們收到柯打，肯定更加肉緊，入得就入唔會留手。
近六十年富咸於頂級聯賽角逐，以前從未試過聯賽開季四場不勝，今戰主場必打真軍，陣中安祖莊臣、森莫亞都弗，再加上新箭頭拜仁雷斯，可射破勁敵大門。近六次曼城造訪富咸，有五次開大，今場續追。
|
|
金睛卡
发表于 2011-9-18 08:06
变色卡
显身卡
发表于 2011-9-18 10:52
