紅軍闖白鹿徑找死

猪拉多纳

18/09/2011
文： 麥馬拿仁

利物浦作客始終係死穴，今晚英超到白鹿徑鬥「剋星」熱刺，平手盤必捧主隊。紅軍創造力低，客場戰術保守冇贏波板斧，熱刺引入艾迪巴約、柏加後實力大增，近四次主場布陣鬥紅軍全部贏晒，績靚盤筍萬勿錯過。




（有線200及300台周日晚8時30分直播）


謝拉特未Ready


相比起去季，紅軍人腳的確有改善，但新將多屬打仔格，具靈氣嘅數來數去得一個蘇亞雷斯，主場出戰都話較有威力，作客就只能打穩守突擊，一遇較強對手就輸晒中場，球員只識於後場傳來傳去，主隊防守話咁易。上仗鬥史篤城雖有不俗攻勢，但始終未能入波，輸波非出奇戰果。「神奇隊長」謝拉特依然缺陣，右閘格連莊臣又唔出得，陣容不整難靠。


雲達華治復出


熱刺首兩戰鬥曼市雙雄慘敗，但目前紅軍級數難比曼聯、曼城，今場熱刺唔使讓波真係好着數。引入艾迪巴約及柏加後，熱刺中前場威力升呢，加上雲達華治能趕及復出，或繼上季次循環後，再度射死紅軍。翻查往績，由○八年尾起熱刺四次主場對利物浦贏晒，格食格冇得拗頸。