|
|
12/09/2011
今場波嘅焦點，當然係倒戈相向嘅祖爾巴頓（圓圖），祖爾巴頓○七年加盟紐卡素後，一直深受球迷愛戴，上屆仲攞埋紐卡素最佳球員，可惜佢性格火爆，得罪人多稱呼人少，在球隊內已樹敵甚多，早前公然批評紐卡素班主艾殊利，令到雙方最終不歡而散，以自由身加盟昆士柏流浪。
紐卡素領隊柏杜同祖爾巴頓素有積怨，不過佢都相當有口德，話祖爾巴頓幫到昆士柏：「我好享受同祖爾巴頓共事嘅日子，佢性格好特別，好有鬥心亦有自己獨特嘅意見，落到場搏晒命絕不欺場。昆士柏流浪最近簽咗幾位好球員，我覺得對佢哋有好大幫助。」
禾諾克撐佢再入英軍
昆士柏領隊禾諾克則認為，現年廿九歲嘅祖爾巴頓可重返國家隊：「佢處於一個球員最成熟嘅時期，我相信佢可以為英格蘭作出貢獻，不過首要條件係踢好球會比賽。」祖爾巴頓首次代表英格蘭上陣係二○○七年，至今僅得一頂喼帽，但既然柏加可以鹹魚翻生，今季輪到佢都唔奇！
|
|
金睛卡
发表于 2011-9-12 07:12
变色卡
显身卡