史達送上門餵華拉倫加

猪拉多纳

11/09/2011
文： 渡邊年

相信唔少七十後細細個都咬麵包大，小學返學一個麵包一盒維他奶頂一日，到中學如果睇中副模型或一隻game，即使發育時期都好，lunch都係捱麵包慳埋啲錢買嘢。

當然，依家好多OL或者供緊樓嘅打工一族，都可能搵麵包做午餐。不過，依家香港人食麵包都要求新款，以前只求充飢，一個兩三蚊麵包隊飽個肚就算，所以啲集團式麵包店愈開愈多，因為佢哋有資源開發新麵包款式嘛。

不過，香港仍然有好多老舖賣嘅包好好食，仲好有創意，例如喺元朗聯和墟和隆街一間麵包舖，以往多做街坊同工人生意，所以「充飢」係最主要目的，因此呢度啲麵包係大件夾抵食。


雞髀包創意十足


最抵食嘅一種叫做雞髀包，真係創意十足，道理同腸仔包一樣，只不過包住嘅由腸仔變咗雞槌，都有個拳頭咁大，其實呢個包喺七、八十年代好多舖頭都有整，但依家因工料貴同過程繁複，新一代麵包舖都唔整。呢間麵包舖仲有一種叫真正菠蘿包，除咗菠蘿皮，包中間仲有罐頭菠蘿，所以係真係有菠蘿嘅菠蘿包。

麵包當然愈大愈抵食，所以有好嘢送上門，我哋俗語亦叫做「賣大包」，今日挪超史達作客華拉倫加真係送上門，華拉倫加回勇，主場對尾二嘅史達可大勝一場，揀「讓球主勝」。（周一凌晨零時開賽）