馬賽防線偏軟難讓雷恩

猪拉多纳

10/09/2011


近期啲大藍籌表現唔多掂，某間大銀行更要大幅裁員，法甲老牌球會馬賽亦同病相憐，今季聯賽開鑼之後仍未開齋，而且下周中仲要應付歐聯作客奧林比亞高斯，深陷內憂外患之中。馬賽今晚聯賽主場對雷恩，好可能再失分，捧受讓嘅雷恩「讓球客勝」。




（周日凌晨3時開賽）


4場聯賽狂失7粒


馬賽今季衰防守差，繼開鑼前法冠盃一場失四球後，現時踢四場聯賽亦已經失咗七球，幾乎係球隊上季聯賽總失球嘅五分一，都咪話唔得人驚。法甲風格偏向防守，一支中門大開嘅球隊實在好難可以立足，教練迪甘斯一日未執掂防線，馬賽都難發圍。




同時，馬賽射手阿休受傷，另一位前鋒基格納最後關頭轉會唔成，被迫留隊恐怕無心戀戰，令球隊進攻亦受影響。至於雷恩已成為近年法甲攔路虎，上季曾經令聯賽前五位球隊失分，今仗趁馬賽處於弱勢，就算贏埋都唔出奇。