阿積士質高唔怕踢人造草

猪拉多纳

10/09/2011


好多球員、教練都好怕喺人造草球場比賽，除咗要適應場地，草地太硬亦容易令球員受傷，不過荷甲勁旅阿積士似乎未驚過，事關佢哋過去六次作客荷華高斯嘅人造草主場都贏波而回，1.52倍客W固然穩陣，進取嘅投X者可敲2.37倍「讓球客勝」。




（now 639周日凌晨2時45分直播）


荷華高斯主場欺善怕惡


荷華高斯上季十七場主場一共取得三十七分，只比成績最好嘅阿積士少四分，不過面對兩大勁旅燕豪芬及阿積士都輸波，甚有欺善怕惡味道。阿積士近年面對荷華高斯擁有壓倒性優勢，近十次聯賽碰頭取得九勝一和，當中有八次能夠淨勝兩球或以上，而且最難得係佢哋作客一樣交出好成績，過去六次除了全部勝出，當中有五次淨勝兩球或以上，如果以「讓球主客和」讓一球去計算，開出「讓球勝」比率逾八成，如果今場嫌客W賠率冇肉食，不妨捧埋2.37倍「讓球客勝」。