巴甲「老二」追分撐得過 聖保羅撳住尼搶

猪拉多纳

07/09/2011
文： 巨高

本周中以巴甲為主，現時積分榜頭五位球隊仍然為冠軍爭崩頭，因為佢哋之間嘅差距只有4分，所以一輪賽事之後隨時又再執位，你都咪話唔刺激！故此，相信頭五位球隊會繼續搏老命搶分，揸實佢哋嚟捧就實冇衰。其中聖保羅主場對明尼路，主W可放心捧場。排第二位聖保羅只差榜首哥連泰斯兩分，今場誓必把握主場優勢搶三分，1.65倍主勝咪走雞。（周四凌晨3時開賽）




聖保羅因為要應付南球盃，難免影響到巴甲表現，既然南球盃暫時休戰，呢支老牌球隊可以專心爭聯賽。其實喺七及八月間，聖保羅中場「雙核」盧卡斯洛迪古斯同卡斯米路就盛傳會去意甲西甲搵食，不過家陣歐洲轉會市場關閉，呢兩位「90後」仍然留守陣中，對於聖保羅絕對係好事。始終歐洲經濟不景氣，球隊買新人都手緊啲，況且仲要「隔山買牛」，謹慎啲係應該，亦間接令佢哋未能出國，不過為圓歐洲夢，盧卡斯洛迪古斯同卡斯米路惟有繼續留喺聖保羅交好表現，吸引歐洲買家嘅目光，若贏埋聯賽冠軍效果更佳，就算前者剛替國家隊出戰加納，今仗未必上陣，其他隊友相信亦會全力以赴，一圓錦標夢。


明尼路作客難發圍


明尼路今季演出都幾差，現時要為護級而搶分，從來冇懷疑過明尼路嘅鬥志。不過今場對手係實力高一皮嘅聖保羅，加上要作客出戰，整體形勢唔係咁樂觀。聖保羅只要有正常發揮，贏波難度唔大。




另外，暫列積分榜第四嘅保地花高，喺主場迎戰施亞拉。保地花高近期走勢凌厲，主場連贏六仗，其中仲有四場可以贏多過兩粒，今鋪面對作客成績低迷嘅施亞拉，「讓球主勝」相當穩陣。