|
|
06/09/2011
文： 黃興桂
睇番今屆歐國盃外圍賽九組形勢，會發現幾支鶴立雞群嘅球隊，德國、西班牙、荷蘭、甚至英格蘭，都有一個共通點，就係青訓出色，成為國家隊可以喺大賽取得佳績嘅主因。例如德國嘅湯馬士梅拿、奧斯爾廿歲出頭已係國家隊主力，西班牙、荷蘭新星更係多不勝數。
德西荷英保強勢之本
西班牙及荷蘭打入上屆世界盃決賽，至今仍然可以維持強勢，就係多得源源不絕生力軍支持，位位球員都屬當打之齡，帶動球隊保持巔峰狀態。即使英格蘭近年都人才輩出，加利卡希爾、艾舒利楊格表現獨當一面，基斯史摩寧亦年輕有為。反觀意大利、法國霸氣不再，其中法國再冇亨利呢類巨星出現，即使係列貝利亦只屬一般，反映青訓存在問題，成績每況愈下亦屬意料之內。
值得留意，新人打順境波當然冇問題，但面對逆境亦係球賽一部分，所以用新人必須要有耐性，作為球迷亦唔好跟紅頂白，應該畀球隊多啲時間。青訓好可以帶來好成績，但要成為冠軍，仲要起碼有兩三位巨星助陣，例如西班牙有沙維、恩尼斯達，荷蘭有史奈達、雲達華治等人，有呢類星級球星領軍，勝出率及捧盃機會相對較高。
預料明年歐國盃決賽周，德、荷、英應可打入四強，至於能否捧盃，就要問過西班牙咯！
係人都知青訓好
Mega巨星可遇不可求
|
|
金睛卡
发表于 2011-9-6 10:23
变色卡
显身卡