當路雲歸隊銀河夠「薩」氣

猪拉多纳

05/09/2011
文： 力奇

美職一哥洛杉磯銀河嚟緊30日就要踢9場波，都咪話唔辛苦。聽朝地獄賽程第一擊喺美職出訪肯薩斯體育會，就連首席射手當路雲（圖前）都棄戰國際賽回歸，鬥志十足兼4連勝，就算冇咗代表愛爾蘭嘅羅比堅尼，平手盤都信得過。（now633台周二早上6:00直播）




銀河雖然今仗冇咗羅比堅尼，但查實佢未嚟之前一樣咁掂，加上碧咸又傷愈，今仗絕對能夠坐和望贏。




對家肯薩斯自6月新球場啟用以嚟，喺主場取得6勝4和2負，但要知道所輸兩場，正正係輸畀西岸嘅老二西雅圖海灣者同老三FC達拉斯，今次對住全聯盟一哥銀河仲點有運行？更何況今仗仲有前鋒賓貝利及守將沙法湯馬士缺陣，殘陣凶多吉少。