國民隊甘馬雷斯殘陣 變晒弱「細」社群

猪拉多纳

04/09/2011
文： 朱楓

國際賽踢得如火如荼，偏偏今晚有場國民隊對甘馬雷斯嘅葡超補賽。兩隊火力已經夠弱，仲有多件主力踢太公波，海軍鬥水兵，梗係捧1.52倍入球細！（開賽時間：周一凌晨2:00）


兩軍主力踢太公波


國民隊今季一早要打歐霸盃，結果球季初段已經踢到殘晒，最慘佢哋喺歐霸仲輸埋畀伯明翰無緣分組賽，踢咗兩場葡超亦只得1和1負。其實國民隊已連續食咗4場白果，今場又話有中場祖奧奧利里奧停賽，安哥拉射手馬迪奧斯同委內瑞拉前鋒馬里奧朗頓又被國家隊抽走，今晚仲可以靠邊個入波？




上季葡萄牙盃亞軍甘馬雷斯，季初亦因為要兼顧歐霸盃，搞到喺葡超出閘脫腳，連同盃賽4連敗不特止，仲全數食白果，今仗佢哋件守將安達臣辛坦拿坐波監，中場沙施度又入選玻利維亞，個陣咁殘，對住「難兄難弟」國民隊唔慌多攻「細」啦！