日本補選增田誓志出戰烏茲

猪拉多纳

04/09/2011
文： 力奇

周中世盃亞洲區外圍賽當然係焦點，要留意係前晚險勝北韓嘅日本，周二晚會出訪烏茲別克。日本主力本田圭佑上周五喺巴塞隆拿做膝部手術，佢同裂咗腳趾骨嘅中村憲剛都唔使預。領隊沙哲朗尼補選咗鹿島增田誓志，話晒都係爭榜首，唔會留力W得架！


丹麥落定飛要留神


除咗世盃，歐國盃外圍賽亦踢到最後階段，H組丹麥主場對挪威，主隊領隊奧臣勒令全隊球員唔准作遠程飛行傾轉會，好似賓特拿搞過檔新特蘭，就要經理人同老竇幫手搞。丹麥戰意十足，主勝仲由早幾日2.09倍落到尋晚1.97倍，有啲計喎！




周三凌晨仲有場葡超波要注意，班霸波圖會有包括摩天奴在內嘅4名葡萄牙國腳歸隊，不過首席射手侯克踢完聽晚巴西對加納場波，未抖夠多數唔會落場，波圖今季4個入波3球由佢射入，小心有暗湧。