大莊「做嘢」撐出面 以色列上盤唔怕跟

猪拉多纳

02/09/2011
文： 四眼哥

歐國盃外圍賽F組今晚爆發前列大戰，由「三哥」以色列主場迎戰「一哥」希臘。雖然2004年盟主希臘自外圍賽展開以嚟錄得6戰4勝2和嘅佳績，但今場造訪以色列竟然被全線歐莊睇淡！足智彩重手調低和波之餘，更開出幾乎全球最熱主W，呢場無理由唔撐以色列走去扒逆水啩？唔係唔試一試讓球以色列讓平半個上盤嘛？（開賽時間：周五晚9:05）


希臘近況好都被睇淡


「四眼哥，好路喎！」如果唔係「九叔」放假，「四眼哥」都未必有機會喺全新面貌嘅《太陽波經》同大家聚一聚。歐國盃外圍賽嚟到中段，Ｆ組戰況非常正路，實力較高嘅希臘、克羅地亞同以色列都排晒喺頭三位。至於「以希」呢場Ｆ組重頭戲，其實兩隊近況都好好，但睇番個歐洲平均賠率，就發現全線歐莊都傾向睇好「三連勝」嘅以色列，可以報番首循環敗走希臘1:2之仇（見附表），其中兩大龍頭莊家Victor Chandler 同William Hill更將希臘客勝畀到去3.5倍，高過歐平一截，係完全漠視希臘作客贏波嘅可能性！




足智彩雖然無調高希臘客勝，但都有「做嘢」，除咗調低和波之外，更非常重手咁㩒低主勝，2.05倍嘅主W，更幾乎係全球最熱，動態明顯睇淡希臘作客贏波嘅機會，呢點「四眼哥」信到十足，所以會玩啲讓球以色列讓平半嘅上盤，最多和波輸半格！