法蘭西玩死自己

猪拉多纳

02/09/2011
文： Samvo肥叔

歐洲轉會市場啱啱關閉，唔少球隊出現大執位，阿仙奴、史篤城引入幾位優質人腳，未來賽事要對佢哋重新評估，撞啱今個周末及下周中係國際賽檔期，大家仲有時間做功課。至於講到今晚國際賽，肥叔對名牌球隊有保留，球星重視球會多於國家隊，踢落好多時唔對辦，法國屬於近年走樣最嚴重嘅傳統強隊，今仗作客阿爾巴尼亞，有失分危機。（now 714周六凌晨3時直播）


阿爾巴尼亞主場有得鍊


法國由○二年世界盃開始走下坡，歸根究柢係該國近年青訓「種族主義」抬頭，早前爆出法國足總想限制青訓系統內非洲及阿拉伯裔人數。以往法國足球之所以強大，在於容納多種族精英，好多國腳來自北非，包括球王施丹，但種族主義限制人才流入，難怪法國隊近年冇注目新星出現，令國家隊不進則退。




阿爾巴尼亞冇球星助陣，但呢類受忽視嘅球隊勝在鬥志強，特別喺主場國民前往往可踢出超水準，阿爾巴尼亞今次外圍賽三場主場仍然不敗，就係最佳證明，法國未必咬得入佢哋。




另外，位處中東嘅以色列亦係靠地利搵食，今仗如果可以喺主場擊敗希臘，有望升上榜首，更添爭勝誘因，以軍讓平半要上盤。