馬體會換箭掃射奧沙

猪拉多纳

28/08/2011
文： Yennie

上個禮拜小妹做咗一件錯事，為我嘅朋友帶嚟不便同麻煩，事後非常內疚。雖然我已經道歉，但查實仲耿耿於懷，喺度我要再同佢哋講聲對唔住！




講番波先，西甲今晚有馬體會對奧沙辛拿。馬體會剛啱喺波圖搵法卡奧頂替離隊嘅阿古路，要知呢位哥倫比亞射手上季以17個歐霸盃入波，打破歐洲盃賽入球紀錄，就算另一位箭頭科蘭搞轉會唔踢，我對佢哋嘅火力一樣有信心！




查實馬體會上季喺主場入咗35球，僅次皇馬同巴塞，反觀奧沙上季作客19戰輸14場，睇埋馬體會近5季主場對奧沙贏咗4次，所以我好有信心，呢個1.53倍主勝可以請讀者食Free Lunch！


Yennie心水：馬德里體育會（勝）


半隻腳踩咗入𡃁模界，但最後決定以學業為重。如今畢業在即捲土重來，希望大家支持。外國波、本地波都係佢「飛佛」。