富明尼斯「地」頭發惡

猪拉多纳

27/08/2011
文： 洪心Dee

巴甲富明尼斯聽朝同保地花高上演里約熱內盧打吡，富明尼斯近期作客戰績麻麻，不過一返到主場嘅表現就判若兩隊，睇番佢哋近4次主場全部贏晒兼不失1球就知有幾勁。今場喺自己地頭出戰保地花高，好大機會攞晒3分而回，一於撐主勝！（開賽時間：周日清晨5:00）


保地花高前鋒冇態


富明尼斯主場表現唔錯，最近仲取得4連勝狂入10球，陣中又有巴西前鋒費特同葡萄牙中場迪高助陣，實力唔嘢小。除咗佢兩個外，另一射手拉菲爾摩拉亦要留意，呢個28歲巴西鋒將正值當打之年，近3場入4球，今場真係要瞄實佢。教練布拉加亦好重視呢場打吡，事前已做好部署，揚言有信心擊倒對手，打破近2場不勝嘅困局。




保地花高主場都戰績唔錯，但出去作客就走晒樣，佢哋近4場作客只得1勝3負，近2場更冇波入，中場主力艾傑臣冇態、前鋒艾比奧又要養傷，要爭取「士哥」似乎有啲難度，面對主場表現Sharp醒嘅富明尼斯，好難頂得住！