史雲斯能屈能新搏呢鋪

猪拉多纳

27/08/2011
文： SAMVO肥叔

英聯盃周中賽事有唔少冷門賽果，多支英超升班馬齊齊出局，普羅球迷覺得爆冷，但行內人士完全不感意外，因為呢類英超弱旅目標志在保級，根本對呢類盃仔冇興趣，若然一個唔覺意晉級愈踢愈多，隨時影響護級前途，到時隨時因小失大，邊有人咁笨啊！




肥叔三番四次提醒大家要預測球隊心態，皆因各支球隊都有唔同目標，例如英超升班馬普遍志在護級，所以難免會揀波踢，昆士柏流浪、諾域治、史雲斯等三支英超升班馬，於英聯盃第2圈便被較低組別球隊淘汰，其實絕對非偶然，正如昆士柏流浪領隊禾諾克亦謂：「一早出局更好，毋須幾線發展。」今時今日搞波唔易，所以幕後人一定要保住最大利益，不論領導層、領隊同球員都有共識，只要大家花多少時間諗，再睇埋出場陣容，呢類所謂「冷門賽果」，其實並非度唔到。


主場可破新特蘭


講番今次重心推介，英超升班馬史雲斯主場對新特蘭，捧主隊！史雲斯剛於英聯盃不敵低組別球隊梳士貝利，唔少球迷認定呢班波好水皮，但幕後人根本冇心爭盃，千祈唔好畀呢場敗仗干擾判斷。史雲斯開始適應英超比賽節奏，對住中游分子新特蘭係出擊格局，今場開平手盤可秤先。（有線201及301台周六晚10時直播）




同日德甲賽事賀芬咸主場對雲達不來梅，初盤唔少莊家開平手盤，賀芬咸其後顯著落飛，現時唔少菠菜公司轉盤，賀芬咸要讓平半，明顯有晒墊底飛支持，值得留意。




利物浦加入蘇亞雷斯及安祖卡路爾後攻力大進，面對防守力一般，主場對曼城亦失三球嘅保頓，好易開出大盤，1.7倍抵玩。


肥叔心水


賀芬咸上盤

凱沙羅頓下盤、大盤

狼隊下盤

韋根細盤

史雲斯平手盤

利物浦大盤