華斯高弗爆受讓筍

猪拉多纳

25/08/2011
文： Mic少

除咗歐霸盃之外，明早有一場南美球會盃第二圈次回合，由兩支巴西球隊交手，彭美拉斯主場對華斯高。南美球會盃地位等同歐霸盃，好多球隊視之為雞肋，未必太搏命爭標，彭美拉斯首回合輸○比二，隨時抱放棄心態，留力爭聯賽好過，寧捧受讓嘅華斯高「讓球客勝」。




（周五早上7時15分開賽）




南球盃地位唔及自由盃，巴西球隊好多時唔吼，賽事成立以來，九屆只有一屆由巴西球隊奪得冠軍，彭美拉斯現時位居聯賽前列，首要目標係爭奪巴甲冠軍，尤其下仗要鬥榜首哥連泰斯，論輕重南球盃明顯較次要，既然已落後兩球，更加無謂搏，留番啖氣踢聯賽好過。


華斯高有P祖領軍


華斯高近期好醒神，近四仗取得三勝一和，要留意陣中擁有前里昂中場祖連奴比南布肯奴，呢位三十六歲老將以往踢過好多歐洲賽，可以將經驗帶畀球隊。華斯高有「P祖」指揮大局，應可不敗而回。賽制方面，如果兩回合總比數打和，以作客入球較多一方為勝，若作客入球數字相同，就直接互射十二碼分勝負，並不設加時。