唔重視盃仔利物浦出副選吔「塞」

猪拉多纳

24/08/2011
文： 牛奶仔

今季矢志復興嘅利物浦上場贏完阿仙奴後士氣如虹，今晚繼續客途出擊，於英格蘭聯賽盃第2圈作客英甲弱旅埃克塞特，預料領隊杜格利殊會派半隊副選上陣，但相信仍無礙紅軍連勝，要1.85倍「讓球客勝」！（now638台周四凌晨2:45直播）




利物浦上場作客擊敗阿仙奴，雖然2個入波都喺多打一人嘅時間攻入，但有睇直播都知佢哋全場波同兵工廠打成均勢，擺脫一向不擅作客嘅頹風，今次作客低2班嘅甲組仔，要贏波可謂游刃有餘。


謝拉特格連莊臣養傷


紅軍今季講到明要全力爭英超，當然唔會出全力打英聯盃，但預料領隊杜格利殊會派上場擔任後備嘅蘇亞雷斯同魯爾梅利斯正選上陣，而史比寧、舒維爾同祖高爾等具質素嘅副選亦會悉數披甲，實力仍然比主隊高幾班。傷兵方面，隊長謝拉特同後衞格連莊臣繼續養傷，今場都未可以復出。另外，中場阿古蘭尼傳日內會轉投AC米蘭，今仗唔會代表紅軍上陣。




另邊廂，埃克塞特上季以前列位置完成英甲，但今季出閘脫腳，首場悶和對手後，跟住3場全部輸晒。今場佢哋除咗有前鋒奧費恩因傷缺陣外，更有後衞杜尼領紅後需要停賽，攻守實力再打折扣，面對來勢洶洶嘅紅軍相信難逃大敗。