宮市亮勢當秘密兵器

猪拉多纳

24/08/2011


阿仙奴傷兵滿營，令日本小將宮市亮趁機上位，佢獲抽調入歐聯A隊名單，意味今仗有望上陣，隨時成為球隊救星。大家拭目以待，睇吓呢位十八歲新星能否扮演現實版「戴志偉」。


補選入歐聯名單


由於法比加斯及伊保爾已離隊、拿斯尼執定包袱、卡路士韋拿再次被外借，阿仙奴A隊名單需要補充人腳，宮市亮成為唯一新面孔，可見領隊雲格對佢有好大期望。呢位日本小將上季被外借到飛燕諾，在荷甲可謂踢到曉飛，雲格急不及待收回己用，更成功幫佢拎到工作證，由於「沙皇」艾沙維愈踢愈沉，隨時畀雲格打入冷宮，宮市亮今季有望成為秘密武器。




從季前熱身賽所見，宮市亮踢法完全配合到阿仙奴，佢開季後仲未為兵工廠上過陣，唔知今仗會唔會一鳴驚人呢？的確令人期待。