熱刺儲定彈藥最後掃貨

猪拉多纳

22/08/2011


轉會窗即將關閉，熱刺將會作出最後衝刺，包括由皇家馬德里買入狄亞拉及向曼城借用艾迪巴約。由於二人周薪高昂，熱刺要賣走一堆球員騰出薪酬空間，除咗莫迪歷可能會轉投車路士外，高治、贊拿斯、柏拉西奧斯亦有機會一併被轉售至史篤城。




不過，由於艾迪巴約周薪達17萬鎊，而狄亞拉周薪亦達到8.5萬鎊，熱刺即使賣晒以上球員都未掂，所以侯頓、巴桑同賓尼已被掛牌。此外，新特蘭睇中克羅地亞中場卡蘭積卡，如果啱價，熱刺亦會放人。故有消息指熱刺於未來十日會完成多達十宗交易。


雲達華治：唔需要莫迪歷


熱刺面臨大換血，好多人都話莫迪歷離隊最可惜，不過雲達華治就唔係咁講，佢話熱刺大把好球員，足以應付任何球隊，佢仲特別提到積基李華摩亞，認為呢名英格蘭小將會大放異彩。