西甲唔會停太耐

猪拉多纳

21/08/2011
文： 法比加輝

首周西甲始終踢唔成，不過加輝認為今次事件並唔似NBA封館咁複雜，球員又唔係無理要求加人工，只係想解決拖糧問題，個人預期勞資雙方好快會達成共識，西甲迷毋須太擔心有排冇波睇。




今季西甲同上兩季真係分別不大，巴塞同皇馬人腳實在太強，其他球隊既冇財力，又冇牙力去增兵，就算係有中東財團撐腰嘅馬拉加，買嘅人都並非世界頂級，根本就仲未有資格同「雙雄」鬥法。


櫪木SC受讓抵玩


其實睇完西班牙超級盃之後，加輝都幾可肯定今季又係巴塞天下。無疑皇馬比上季確係略有進步，至少對賽已經唔會再掂唔到波、畀人瘋狂玩馬騮搶球咁肉酸，但個人認為莫連奴仍然對卡維奴拍比比委以重任守住大門，實在係敗着。「巴塞式踢法」嘅奧妙之處係在於破越位，然而卡維奴同比比實在太慢，包完越位又追唔切美斯、恩尼斯達等老鼠仔，上季已經證明呢對組合唔Work（純粹面對巴塞），所以加輝認為皇馬仍未夠料去推倒巴塞王朝。




今日睇中場日乙，櫪木SC主場對FC東京，兩軍級數差唔遠，櫪木受讓有利，博「讓球主勝」。