|
|
21/08/2011
文： 黃興桂
曼城前鋒阿古路可謂近期最Sharp醒嘅拉丁外援，首周聯賽兩入球一助攻可謂閃耀全場。Peter唔敢因一場比賽去斷定球員好與壞，但可以肯定阿古路係一個好全面嘅進攻球員，而且踢法好適合英超。Peter覺得由阿古路、大衞施華及迪斯高所組成嘅進攻鐵三角威力無窮，唔係個個後防球員都頂得順。Peter愈睇曼城就愈有冠軍相，今季要攞一至兩項錦標唔係難事。
有時足球就係咁奇怪，曼城明明想斟拿斯尼及史奈達過檔，但今日着起曼城球衣竟然係阿古路。正所謂無心插柳柳成蔭，太過刻意未必係好事。而經過首輪聯賽後，相信領隊文仙尼、球迷及高層，都會對阿古路呢個重磅收購感到滿意。高質前鋒往往係球隊贏波本錢，曼城嘅前鋒線確實令所有英超球隊既羨慕又妒忌。
冗員太多 應該減磅
講開曼城陣容，其實Peter略嫌冗員太多。如果領隊文仙尼夠狠心，一次過送走晒班用唔着嘅二線兵，對於曼城日後發展更有幫助。之前有報道指曼城班二線兵有意向曼城採取法律行動，又話申索賠償又要同中東老闆當面對話。班衰仔成日喺度搞搞震，士氣受損必對爭標之路構成阻力。
金句：次選收購才是最佳收購
|
|
金睛卡
发表于 2011-8-21 09:23
变色卡
显身卡