聖保羅貪新忘舊捧唔過

猪拉多纳

18/08/2011
文： 走肖

貪新忘舊係大忌，聖保羅將上年至加盟嘅翼鋒伊仙奴踢埋一邊，弊在聽朝喺巴甲作客阿美利加明尼路，路爾斯法比安奴同卡斯米路都唔踢得，加上伊仙奴被棄用，火力大減嘅聖保羅讓唔起平半。（開賽時間：周五早上8:00）


「阿明」回勇


「阿明」升班後長期包尾的確好唔掂，不過佢哋近期表現衰唔晒，對上5場聯賽有1勝1和3負，連續5場有波入，期間攻入8球，呢場搶到分唔奇喎。




相反聖保羅戰績係唔差，可惜射手路爾斯法比安奴因傷仲抖緊，中場卡斯米路要為巴西踢U20世青盃，原本佢哋仲有個翼鋒伊仙奴頂得吓，點知聖保羅見夠人手，唔肯認真傾續約，甚至話容許伊仙奴自由轉會，家陣等人用，可能會受到教訓。