安德列治經驗勝貝沙

猪拉多纳

18/08/2011


今晚另一支比甲球隊安德列治會作客面對上屆土耳其季軍貝沙，Lokorus認為安德列治今季表現唔算理想，但計整體實力、經驗同狀態都在貝沙之上，作客有力坐和望贏，1.58倍「讓球客勝」係過關佳選。




（周五凌晨2時開賽）


門將箭頭狀態大勇


Lokorus指出安德列治今季落筆打三更，喺比甲聯賽首仗不敵升班馬奧特海維利，不過近兩仗先後擊敗梅赫倫同洛格倫，壓力先至大減，雖然贏洛格倫一仗踢得好辛苦，全靠門將普圖同箭頭馬迪亞斯蘇亞雷斯嘅超卓表現至險勝，不過球員經過三場聯賽磨練後，去到比賽末段愈踢愈爽，今仗面對經驗不足兼聯賽未開咧嘅貝沙，安德列治至少可保不敗。