|
18/08/2011
文: 巨高
歐霸盃附加賽首回合今夜爆發,巨高心水場次由挪威洛辛堡主場對塞浦路斯AEK拉亞拿卡。牌面係洛辛堡高多少,起碼大家都聽過呢隊波。不過要留意洛辛堡今季演出大不如前,唔單止聯賽成績差,早前於歐聯亦被柏辛域陀尼亞淘汰。洛辛堡輸到冇晒信心,主場出擊都冇優勢,況且AEK拉亞拿卡有料到,受讓可試「讓球客勝」。
(周五凌晨2時45分開賽)
AEK拉亞拿卡雖來自足球水平唔高嘅塞浦路斯,但球隊幕後班底絕唔似一支弱隊。老闆米高列迪斯賣石頭發達,所講係賣雲石及花崗岩,而最近佢就為球隊大改革,聘用名門之後祖迪告魯夫做總監,憑住祖迪於西班牙及荷蘭脈絡,AEK拉亞拿卡陣內有唔少荷蘭及西班牙外援,比如隊長荷夫蘭就効力過燕豪芬、干沙路加西亞就係皇馬青訓產品、西班牙人沙蘭就係史雲斯升班要員,成隊波外援多過本地球員。唔係老闆有個錢點搵到咁多人幫手,今日又點打到入歐霸盃附加賽咁叻仔,呢隊塞浦路斯新興勢力,踢歐洲賽隨時嚇你一跳。
洛辛堡冇晒霸氣
洛辛堡曾經於挪威叱咤風雲,但今季於挪超打唔出水準,只排行中游位置,剛戰又於挪威盃輸畀阿里辛特,真係唔知班波搞乜。洛辛堡已經冇晒霸氣,今場讓唔起AEK拉亞拿卡,若嫌玩「讓球客勝」都唔夠刺激,客W有4.8倍都博得過。
|
|