|
本帖最后由 猪拉多纳 于 2011-8-17 06:23 编辑
17/08/2011
文: 樂比堅尼
今晚五場歐聯,得克拉科夫主場對尼科西亞冇直播,可能好多球迷會忽視,但其實波蘭克拉科夫今季幾大野心,增添多名猛將,令球隊成為聯合國兵團,不過咁多新球員加盟,反而擔心佢哋默契唔夠。塞浦路斯尼科西亞有豐富歐戰經驗,而且近五仗歐洲賽不敗,捧「讓球客勝」。
(周四凌晨2時45分開賽)
克拉科夫新班底未執掂
克拉科夫由荷蘭教頭馬斯簡特執教,佢今年特登搵咗前荷蘭國腳查利安斯加盟,另外亦羅致塞爾維亞射手伊利夫,同埋借用阿根廷中場謝華斯奧紐尼斯,踢法非常多元化。不過陣容變化咁大未必係好事,尤其係佢哋防線一向甩漏甚多,以佢哋近五仗有四仗失球情況睇,未必讓得起尼科西亞。
事實上,尼科西亞係一支防守力相當強球隊,近五場都冇失波,除「讓球客勝」外,可捧埋細盤!
|
|