|
17/08/2011
文: 肥叔
西班牙超級盃次回合上演,今次輪到巴塞隆拿主場對皇家馬德里,兩大超級勁旅對決,戲碼非常強勁,不過由於賽事清晨先開波,加上只屬季前比賽,競爭性唔算好強,所以整體投X額並不突出。為開拓亞洲市場,嚟緊新一季西甲都要提早開波,足以反映佢哋有幾重視呢個新興市場。皇馬季初狀態明顯好過巴塞,今場大幅受讓盤口有利,絕對值得留意。
今晚多場賽事,重心放於英冠,卡迪夫城主場對白禮頓,捧主隊!卡迪夫城係英冠名牌球隊,呢班波踢落有板有眼,肥叔認為佢哋有能力殺上英超,幕後人意向都好明顯,相信今季大軍會有一番作為。白禮頓升班後表現對辦,不過之前對手唔算特別強,今次硬撼卡迪夫城遇上真正考驗,未必可以再過一關,受讓都信唔過,捧番卡迪夫城。
米禾爾主場評級高
另外,米禾爾主場惡氣十足,對住彼德堡贏得!米禾爾並非名牌,不過好多行家都知呢班波主場威力強,主場評級甚高,經常幫到手。有大戶直頭當正米禾爾係長期飯票,每次球隊主場出擊都有例飛支持,成績相當理想。
|
|