諾高平保命打老虎

猪拉多纳

15/08/2011


榜首對榜尾球隊表面睇落實力懸殊，但其實暗藏殺機，由於兩隊排名差距大，往往令人傾向支持前列球隊。不過，經過操盤手調整盤口後，理論上所有球隊都係平等，所以大家唔應該單以排名或實力作為買波根據，以免墮入投X陷阱。




今次想同大家研究一場瑞典超賽事，諾高平主場對AIK蘇納，AIK蘇納目前位居前列，數字上仲有機會爭標，諾高平身處降班區，形勢非常危急。今場莊家開出AIK讓平半盤口，普遍散客選擇捧上盤，主要因為AIK名氣較大，而且級數較高。


AIK蘇納回落讓唔起


不過，AIK蘇納近期連輸兩場後，奪冠機會愈來愈微，球隊本身作客表現唔算突出，經過早前六連勝走勢後，隨時會繼續回吐，絕對不宜高估。諾高平實力平庸，但近期於主場表現唔差，球隊護級心切，鬥志鮮明，今場受讓值得留意。