|
15/08/2011
文: SAMVO肥叔
英超開咧首日生意理想,雖然今個夏天都有好多波賭,但英超始終係全球最受歡迎聯賽,一開波即時帶旺整個投X氣氛。不過,季初投X陷阱多,兩大名牌球隊利物浦同阿仙奴都贏唔到,令大批上盤客損手,利物浦上半場踢落對辦,吸引唔少大戶入貨,結果虎頭蛇尾失分,睇嚟季初都係不宜高估。
曼城史雲斯吼大盤
英超另一名牌球隊曼城今日壓軸出場,曼城今夏繼續燒錢買人,新兵阿古路名氣大,但到底係咪踢得掂英超,仲要慢慢觀察。曼城首輪主場對住史雲斯,論級數兩隊完全冇得揮,不過,史雲斯上季尾一鼓作氣取得升班席位,勢頭非常犀利,新季整體評級雖然較低,但食住道氣季初隨時搵到食,今場大幅受讓有利,隨時有驚喜演出,預期呢場有唔少入波,大盤亦可留意。
(有線200及300台周二凌晨3時直播)
哥登堡作客唔夠砌
講番今次重心推介,瑞典超賽事艾夫斯堡主場對哥登堡,捧主隊!艾夫斯堡早前於歐霸盃出局,佢哋依家喺聯賽同榜首希爾星堡鬥到叮噹馬頭,擺明車馬放棄爭歐霸盃,唔少行內人士都睇到球隊意向。艾夫斯堡目標明確,現時向住既定軌道出發,戰意特別可靠,去到最後衝刺階段最好都係揀番呢類球隊,呢場讓半一盤口合理,佢哋始終係瑞典超主場王,今季主場十戰八勝二和勁到爆,哥登堡近四場聯賽作客輸咗三場,艾夫斯堡上盤及主W值得一試。
(周二凌晨1時開賽)
|
|