歐塞爾朝氣蓬勃恰到馬賽

猪拉多纳

14/08/2011
文： 笛子波童

歐聯外圍賽附加賽將於周中上演，記得法甲歐塞爾上屆喺此圈淘汰俄羅斯勁旅辛尼特，打入32強分組賽，但同時亦幾乎令球隊陷入萬劫不復之地。歐塞爾上季因要分心兼顧歐聯，上半季一直處於榜下游掙扎，直至下半季球隊唔使應付歐洲賽，成績才開始反彈得以逃離降班漩渦。




歐塞爾鑑於去季成績太差，今季決定進行大改革，首先請來科尼亞頂替費南迪斯出任主教練，同時放走多名主力包括隊長柏達堤及前鋒謝倫，補入前鋒賓沙夏、祖馬亞及中場赫達，首輪聯賽雖然作客不敵蒙彼利埃，但整體表現比起上季有朝氣，相信只要捱過適應期，成績會有進步空間。


馬賽防線重組多漏洞


歐塞爾今晚將於主場迎戰馬賽，馬賽今季放走軒斯、泰禾兩名後防主力，防線要重新執位，上場佢哋主場面對索察在領先一球下，一度被對手連入兩球「反勝為敗」，最終至逼和二比二，防線確有不足之處，要讓波有一定兇險。




馬賽對上兩季聯賽非冠即亞，但面對歐塞爾卻佔唔到任何甜頭，單計聯賽四次交手，馬賽僅得三和一負，今場捧「讓球主勝」。




（now 634周日晚11時直播）