|
13/08/2011
文: SAMVO肥叔
英超開咧,菠菜市場再次回復熱鬧,不過季初有好多投X陷阱,多支名牌球隊要兼顧歐聯,無法專心應付聯賽,隨時失分累街坊。歐聯賽事關乎球會成季收入,直接影響幕後人部署,大家買波前一定要注意呢點。
肥叔同大家交流咁多年,一直強調一個買波大原則,賭波必定要睇通球隊真正目標,唔可以單靠實力分析。今時今日搞波有如一盤生意,若然入唔到歐聯業績唔慌好,到時就大件事,球會上下個個都知道邊場波先係最重要,自然會作出取捨。拜仁慕尼黑及阿仙奴等大會都要兼顧歐聯外圍賽,今輪作客讓波反得!
講番今次重心推介,英超升班球隊昆士柏流浪名氣響亮,皆因幕後人來頭猛,雖然球隊並冇瘋狂燒錢買人,但本身班底唔錯,唔少行家都睇好昆士柏可以護級。名人搞波志在攞威,昆士柏升班首戰決心打響頭炮,主場對保頓小讓平半,盤口頗為硬淨,初盤飛數對辦,今場捧上盤。(有線202及302台周六晚10時直播)
川迪分心歐聯捧對家
同日荷甲賽事川迪主場對阿爾克馬爾,兩隊嚟緊周中都要踢歐洲賽,川迪出戰歐聯,阿爾克馬爾打歐霸盃,不過大家心態差好遠,歐霸盃始終只係雞肋,相信阿爾克馬爾唔多重視,今場受讓可秤先。
肥叔心水推介
多蒙特 上盤
禾夫斯堡 下盤
昆士柏流浪 上盤
紐卡素 下盤
史特加 平手盤
阿爾克馬爾 下盤
阿些斯奧 下盤
|
|