不來梅缺態嗒唔落拖肥

猪拉多纳

02/08/2011
文： 力奇

啱啱喺德國盃意外出局嘅雲達不來梅，今晚會喺主場迎戰愛華頓，進行佢哋相隔4年嘅熱身賽「次回合」賽事。考慮到不來梅狀態唔掂信心差，主場出擊都難睇好，一於捧有沙夏（圖）復出即入波嘅「拖肥糖」1.55倍「讓球客勝」啦！（now676台周三凌晨1:30直播）


愛華頓熱身賽4戰3勝


喺07年暑假，不來梅曾作客同愛華頓拍跳，結果打和2:2，今仗賽前，兩地傳媒都稱今場係「次回合」，希望分出勝負咁話。雖則大家鬥志唔差，但講狀態，不來梅就似乎得人驚咗啲。佢哋日前喺德國盃對住丙組仔海登威竟然輸1:2出局。咪以為佢哋係出副選揸流攤，實際係人腳已經唔差，回巢嘅羅辛貝治仲有波入，只係新星馬高馬連唔生性，12碼唔入錯過拉開2:0機會，最後仲畀人反勝。




愛華頓呢邊，之前熱身賽4戰3勝，上仗贏伯明翰，更有因傷休戰4個月嘅沙夏復出，即刻有波入添，雖然中場阿迪達有傷隨時錯過開季，但主將卡希爾同安尼捷比等都會披甲，要唔輸波有幾難？