|
20/07/2011
文: 自由恒
美洲國家盃爆到反肚,仲以為強隊頂盡都係先輸盤、後出線,結果竟然係出埋局,兩大熱門坐擁最優質班底,奈何都係輸畀自己,阿根廷就衰盲目複製巴塞模式,唔記得咗自己係冇沙維同恩尼斯達。至於森巴兵就仲離譜,明知地爛12碼都懶型射死角,完全唔吸取教訓,戇居程度力逼當年巴拉莫3炒極刑,火滾到逼筆者同今屆美洲盃提早講拜拜。
達拉斯近7戰5勝
近期唔少歐洲列強都去美國掘金,當地球隊亦作出全面配合,搞到聽朝罕有咁有5場美職快車上演,最矚目嘅當然係多倫多兩大新兵芬寧斯同埋高化文斯處子登場,聽朝主場迎戰達拉斯勢必被追捧,但近年呢啲二打六球隊簽親猛人都要衰一排,十足魔咒咁,短期內都係避之則吉。事實上,多倫多近12場聯賽只係贏得1場,近兩戰仲要交白卷,真係神仙難救,今仗對住近7戰5勝嘅達拉斯,梗係要2.15倍客W。(開賽時間:周四早上8:00)
Battle精選
足球重心 FC達拉斯(勝)
睇飛搵食 西雅圖海灣者(讓球主勝)
曼聯上場友賽大炒新英倫革命,但今場作客西雅圖賠率卻出奇咁理性,足智彩客W1.32倍,比起歐平嘅1.29倍冷,強隊喺馬會熱唔透就點都要避。
|
|