|
20/07/2011
上季英甲白禮頓都好威水,成功以冠軍身份取得英冠席位,不過暑期熱身賽白禮頓喺主場約咗法甲球隊巴黎聖日耳門「拍跳」,就真係唔多樂觀嘞!聖日耳門自從獲卡塔爾投資集團入主後,突然成為當地見報率最高球隊,早前更欲以高薪撬走國際米蘭教練李安納度做球隊經理,擺到明想執正隊波,挑戰法甲冠軍。
基於聖日耳門好有可能會進行「大清洗」行動,故此現有球員一定會把握熱身賽機會表現自己,以保住正選地位。其實白禮頓只係一支低組別球隊,就算有良好賽績支持亦不能盡信。另外有傳卡塔爾皇室亦會到場打氣,相信會激發起聖日耳門球員士氣及鬥心,呢場聖日耳門又點可以失威,客W值得留意。(周四凌晨2時30分開賽)
|
|