巴拉圭霸委爭出線

猪拉多纳

13/07/2011
文： 郭球奇

今屆美洲盃比賽超悶，好彩班「粉絲」勁養眼，特別係巴拉圭嗰班靚女，個個大騷「事業線」，又話奪標會剝光豬，難怪上場可以逼和巴西，聽朝喺B組煞科戰對住已出線嘅委內瑞拉，有力開2.75倍「讓球主勝」！（有線61及201周四早上6:15直播）




首仗打和厄瓜多爾嘅巴拉圭，上場對巴西脫胎換骨，一度反超前對手，雖然最後被逼和2:2，但表現贏盡掌聲。球奇覺得巴拉圭突然回勇，可謂多得班女球迷。事關繼「乳神」LR後，又有一位索爆嘅巴拉圭女球迷喺對巴西一仗，主動拉低件衫被記者影相，搞到場內勁熱鬧。佢哋目前喺B組兩戰只得2分，未肯定出線，為8強聽朝一定打甩髀。


委內瑞拉篤定晉級


委內瑞拉被譽為今屆魚腩，點知踢咗兩輪分組賽後，暫時竟排B組榜首，提早出線8強。雖話委內瑞拉目前未失過波，但兩戰亦只入得1球咁大把，火力弱到爆，加上近6次對住巴拉圭輸足4次，睇嚟不敗身都係時候被破！