銀河當黑無力撲火

猪拉多纳

09/07/2011
文： 郭球奇

有時黑開真係有條路，講緊當然唔係球奇，而係洛杉磯銀河！呢支美職一哥近排傷兵一個接一個，最慘「星級孖寶」又冇態，聽朝對住韌力驚人嘅芝加哥火燄，真係唔係咁易救「火」，我撐2.25倍「讓球客勝」！（now633及660台周日早上10:30直播）




雖然洛杉磯銀河係美職一哥，但近期就黑過墨斗，繼正選門將當奴雲歷格斯後，上場對海灣者再有後防奧馬干沙利斯同迪拉加沙連環傷出，今場好大機會缺陣，據講今場後防可能大變陣，右閘法蘭克林要客串中堅，右閘就出新仔白賴仁佐敦，聽到都牙煙，再加上中場當路雲踢完金盃返嚟後狀態一沉不起，碧咸又一直受背傷困擾，火力實在令人擔憂。


火燄火力弱兼投入球細


對家火燄近排名副其實着晒火，上場作客打和芝華士1:1後，連同盃賽已10場不敗，暫時以12場和波成為美職「和波王」，唯一擔心係鋒力一般，太過倚賴前鋒奧杜奴，所以大家今場捧「讓客」之餘，建議不妨補多少1.65倍「入球細」。