聖保羅「新卡卡」夠料做主

魑魅魍魉

11/06/2011
文： 亨格比利

巴甲聽朝激戰連場，開季3戰全勝嘅聖保羅，會喺莫隆比球場恭候甘美奧。聖保羅新季表現咁Sharp醒，全靠教練卡佩基亞尼夠薑用新人，聽朝對住人腳唔齊嘅甘美奧有望乘勝追擊，捧主勝。（開賽時間：周日清晨5:30）


甘美奧雷霆救兵唔踢得


卡佩基亞尼季前提升青年軍上一隊，最大發現肯定係中場盧卡斯洛迪古斯，呢位攻擊中場有「新卡卡」之稱，早排仲入選埋巴西國家隊添，前途可謂無可限量。更令卡佩基亞尼開心嘅，係佢同李華度之間嘅不和已經化解，後衞祖奧米蘭達及前鋒雷斯費蘭度又告傷愈，人腳同士氣都好到不得了。




作客嘅甘美奧亦錄得聯賽兩連勝，不過右閘基比爾洛迪古斯上陣成疑，前鋒李安度奧利華拉左腳大腿受傷要抖3周，3位雷霆救兵包括基拔圖施華、馬昆奴斯同米利拉斯亦未能夠披甲，加上對上6次造訪莫隆比球場輸5次，聽朝想全身而退都幾難咯！