瓜德羅普恰慣巴拿馬

魑魅魍魉

07/06/2011
文： 笛子波童

C組另一場賽事由巴拿馬鬥瓜德羅普，大家平時國際賽好少聽到瓜德羅普呢個名字，不過佢哋過去兩屆於美洲金盃都有好表現，上屆分組賽便曾經擊敗今場對手巴拿馬，讓球主客和巴拿馬讓一球，波童捧「讓球客勝」。（周三早上6時開賽）


上屆金盃交手贏埋


瓜德羅普對一般球迷嚟講可能較陌生，但其實佢哋過去兩屆於美洲金盃都能突破分組賽，六場分組賽共取得三勝一和兩負，其中上屆首輪分組賽咁啱又係遇上巴拿馬，結果憑中場路華及費奧利禾各建一功，以二比一擊敗對手。除了上述兩人，大部分上屆班底依然在陣，雖然佢哋大多來自法乙聯賽，但個個肯走肯搏足以彌補各方面不足。領隊沙洛特執教球隊已經超過十年，對球員特性都好了解，能夠領軍打入淘汰賽絕非符碌。




巴拿馬過去三屆亦能取得小組出線權，○五年更取得亞軍，不過陣中較有名氣只有効力圖盧茲嘅後備門將路爾斯美治亞及上屆射入三球嘅射手巴拉斯佩雷斯，其餘球員質素一般，面對在國際賽甚少曝光嘅瓜德羅普實冇必勝把握。