|
|
04/06/2011
巴西嚟緊將分別喺戈亞斯同聖保羅同荷蘭及羅馬尼亞拍跳，備戰暑假舉行嘅美洲盃，所以領隊文奴文尼斯初選28人大軍，希望借兩場熱身賽中睇辦，決選最後22人名單，你話一班球員點會唔搏命？
森巴強陣海外兵回歸
事實上，巴西今次大軍極具誠意，基本上所有海外主力都有歸隊，包括丹尼爾、盧斯奧等，當中羅賓奴更重新歸隊，另外人氣射手尼馬亦有入伍，人腳絕對有保證。唔好唔記得巴西上年喺世界盃8強輸畀荷蘭，今晚喺自己地頭再對死敵，試問又點可以喺一班家鄉父老面前再衰多鋪？
荷蘭唔齊腳冇史奈達
由於嚟緊歐國盃外圍賽輪空，所以荷蘭特意飛咗去南美洲，同巴西及烏拉圭拍跳，可惜因為歐洲球季啱啱完結，「橙軍」好多主力都因傷未有入選，當中包括上年世盃8強對巴西梅開二度嘅中場史奈達，同埋雲達華治、雲邦美、阿積士中場迪美迪斯奧同門將史基倫堡等。
雖話「橙軍」仲有古積特同洛賓孭飛，賽前兩人更加去玩黑夜沙灘足球，弊在後防可能要起用首次入選嘅紐卡素年輕門將告魯爾擔正把關，一嚟就挑戰「足球王國」班球星，唔怯就假，唔使大敗已經有賺啦！
巴西近戰半場多領先
‧近8場獲5勝3負，當中有6場半場已領先。
‧世界排名第3，較荷蘭低1位。
荷蘭交手旺開大
‧近8場全勝，對上5場有4場開大。
‧近6次交手獲1勝4和1負，當中有5場開大。
是日推介
巴西（主勝）1.62倍
秘魯（入球細）1.65倍
巴拉圭（客勝）1.85倍 |
|
金睛卡
发表于 2011-6-4 10:45
变色卡
显身卡