巴塞火紅美斯大利

港陌

28/05/2011
文： 堪興學家 陳子才

一件紅色波衫，將成本屆歐聯勝負關鍵！「堪輿學家」陳子才表示，巴塞今次抽到着主場紅藍直間波衫好有利，因為紅色屬火，撞啱今年辛卯年屬金，火剋金下巴塞有捧盃命；加上費格遜受驛馬星影響，今場決賽於英格蘭舉行對曼聯反而不利，故大旺美斯可帶領巴塞封王！


美斯屬木夾正賽日


曼聯繼○九年後再次要着白色作客波衫，整定佢哋唔好彩。白色屬金、紅色屬火，當中火剋金，巴塞落場表現肯定醒神過曼聯。而美斯屬木，比賽當日亦屬木，佢必定有優異演出。




今場決賽於溫布萊球場舉行，表面睇對曼聯有利，但費格遜今年命格上僅得一粒驛馬吉星，適合去到國外比賽，咁啱今場於英格蘭境內舉行，曼聯根本得唔到主場之利！