沙士菲夠猛火平手好路

猪拉多纳

26/05/2011
文： 亨格比利

聽朝繼續有南美自由盃玩，5屆冠軍彭拿路會喺主場恭候沙士菲，進行4強首回合賽事。沙士菲目前能夠喺阿甲坐正榜首，全賴火力夠晒強，教練加里卡賽前講明作客都會照攻，造訪表現不穩嘅彭拿路可秤先，平手盤要沙士菲。（有線61周五早上8:50直播）


沙士菲目前喺阿甲排榜首，15戰足足攻入29球，腳風順到爆嘅前鋒坦基施華居功至偉。呢位烏拉圭射手昔日効力蒙特維多國民隊嘅時候，已有「彭拿路剋星」之稱，聽朝隨時再剋死彭拿路。況且，中場指揮官大衞拉美利斯亦已經克服左腳肌肉傷患，有埋佢穿針引線，沙士菲邊使慌冇波入吖！

彭拿路3連敗兼遇剋星

烏拉圭傳統勁旅彭拿路最近喺本土聯賽錄得3連敗，門將卡連尼最近又再受傷，今戰上陣機會只係五五波，最弊係主力射手文路爾奧利華拉扭計話要加人工，會方隨時將佢掛牌出售，陣營氣氛麻麻，有地利都信唔過。