馬拉加鬥巴塞和味濃

港陌

21/05/2011
文： 江忠德

「識英雄重英雄」，西甲煞科戰馬拉加對巴塞─馬拉加鬥志可嘉，巴塞演繹出完美無瑕嘅足球藝術，大家都想為今季畫上完美句號，和氣收場皆大歡喜。




巴塞嘅足球哲學係要球迷睇得心花怒放，尤其係今季經歷世盃後遺症，好多球星都身心俱疲兼有厭戰情緒，巴塞依然Keep到咁出色嘅表現，真係難能可貴。但講到底，歐聯決戰就嚟殺到埋身，巴塞球員嘅心已經唔喺西甲，今晚又點會畀呢場例行公事打亂部署呢？睇番巴塞近20年循環式嘅成功，全因畀好多機會班後生仔，今場都唔會例外。




西甲半程仲係包尾嘅馬拉加，自從獲中東老細開水喉，終於脫胎換骨，家陣完成護級任務，無論係走人定留低，球員都要爭取表現為自己打算，今晚對手只係半力嘅巴塞，有條件拎多1分。