有辦你睇 杜滿萊捧得過

猪拉多纳

　　杜滿萊由今期開始，在港客串直至三月，呢位騎師身手如何，早在十二月國際騎師錦標賽之夜，已經畀過我哋睇過辦，「奧妙繽紛」放頭走、「環保戰士」後上獲勝，兩W贏來有板有眼，唔係普通料。

　　今日初次以客串騎師身份介入戰團，嘩，處子登場坐騎卜滿，真係好少見，唔好理啲馬係咪賣剩蔗、籮底橙，實行以量取勝，總好過手上三兩駒，跑完上半場已可提早離場。

　　今次杜滿萊坐騎多數係來自華人馬房，大告因為同佢早已結緣，所以，畀唔少馬佢跑，雖然，佢大部分坐騎都係幾十倍冷門，又唔見得全部係陪跑之流，唔應該空手而回。

　　獎金王搵啱人

　　第六場1400米「獎金王」，陣上唔多聽話，成日難控制，搵杜滿萊啱晒，一定「食」得住隻馬；第七場1200米「心理學家」，咪好似「環保戰士」嗰類，必須有硬功師傅先至交出後勁，換人有得爆㗎。

　　另外，第四場泥地一哩「金瑞」，有根據又有近績，捧得過。