快車旺冷門敲拖肥糖和主

猪拉多纳

04/01/2012
文： 自由恒

英超聖誕新年快車三響炮，終於剩番最後兩場比賽，普遍都認為豪門係大輸家，查實睇番3輪比賽嘅戰果，除咗富咸可以贏足3個盤，基本上冇一隊有穩定演出，好似維拉就作客贏車仔，轉過頭就喺主場輸畀史雲斯，認真難玩。


保頓換邊後例失波


今晚愛華頓主場迎戰包尾嘅保頓，正路計都係撐主隊，話晒佢哋有回巢嘅美國國腳當路雲（右圖）登場，不過「拖肥糖」始終火力唔強，近6場聯賽未試過入多過1球，2.25倍「讓球主勝」可以唔使諗，1.42倍主W又太乏味，畢竟聖誕新年快車冷門特別多，倒不如諗吓較有分頭嘅盤口。




對於經常小勝1球嘅「拖肥糖」，3.45倍「讓球和」當然係選擇之一，但筆者就更屬意博3.95倍「和主」，話晒愛華頓近4場波嘅唯一入球，清一色喺下半場取得，相當慢熱，如肯捱眼瞓，半場亦可以撐愛華頓嘅「下一隊入球」，話晒保頓近7戰有5場換邊後都有失波。（有線201及301周四凌晨4:00直播）