修咸頓1哥反彈

猪拉多纳

26/12/2011
文： Samvo肥叔

聖誕佳節期間，先祝大家聖誕快樂！肥叔冇出街同人逼，留守屋企專心度波，希望搵番幾場心水推介畀大家，由於呢排冇乜波玩，部分伙記可以放假休息，不過呢個只係短暫假期，皆因英超快車話咁快殺到埋身，又會做到冇停手！英超一哥曼城今輪作客西布朗，曼城班兵出名爛玩，聖誕過後提防熱倒，捧對家！




講番今次重心場次，英冠勁旅修咸頓主場對水晶宮，捧主隊！修咸頓目前穩佔榜首位置，已被唔少行家視為英冠頂級球隊，如果單計主場水平，甚至達到英超級數，當然，到底最後能否上到英超，仍然有待觀察。經過季初一輪衝刺後，修咸頓近況稍有回落，近三場不勝頻頻失分，但呢班波級數超班，相信好快可以作出調整，今次對水晶宮預計可贏波贏盤。（周一晚9時開賽）


新特蘭當頭起


同日仲有一場英超賽事值得留意，新特蘭主場對愛華頓，又係揀主隊！自從改由奧尼爾領軍後，「黑貓」表現脫胎換骨，之前作客僅輸畀熱刺，踢落絕對唔輸蝕。事實上，呢隊波本身人腳唔曳，絕對有條件企穩英超中游位置，依家有個有料教頭帶住班波，預期將會進入正軌，今次主場出擊，部分莊家開出平手盤，亦有菠菜公司開新特蘭讓平半，上盤值得留意。（有線204及304台周一晚11時直播）