流浪「半場和」啱口胃

猪拉多纳

24/12/2011
文： ComboKing

今日蘇超直播場次格拉斯哥流浪作客聖美倫，揸2.25倍嘅「半場和」。以波論波當然以流浪秤先，但球隊呢期慢熱，近五場聯賽四次開半場和。聖美倫夠硬淨，鬥流浪唔會慌，近四次對賽三次半場不落下風，阿King一於捧佢哋今晚頂到半場！（now 638周六晚8時45分直播）




去到季中，流浪目前雖高踞榜首，但比起季初霸氣已稍減，近期贏波多數贏一球，故今仗「讓球客勝」風險大要唔過。流浪呢期興睇定嚟食，鬥恩華尼斯、喜伯年、基爾馬諾克、聖莊士東之流半場都未能領先開半場和。聖美倫雖然實力次一級，但死守有一手，近期鬥流浪唔算冇得打，今年十月去到流浪地頭都頂得住半場○比○，2.25倍博得過。


馬瑟韋爾受讓抵玩


另一戰赫斯主場對馬瑟韋爾，客軍係本季「神奇球隊」，目前排緊第三，作客成績更與些路迪睇齊，只輸過一仗。睇番數據，馬軍近九次作客八次贏波，赫斯讓唔起平半，捧下盤。最後睇埋恩華尼斯主場鬥鴨巴甸，主隊狀態、士氣低沉，相反鴨軍近五次作客恩軍贏四次，明顯格食格，平手捧客軍。