巴塞西盃出B隊吼「細」

猪拉多纳

22/12/2011
文： 法比加輝

剛從日本凱旋而歸嘅巴塞隆拿，西班牙盃第四圈次回合會在主場迎戰丙組球隊賀斯比圖勒。巴塞首回合只係「小小哋」領先一比○，但教練哥迪奧拿今場仍會大派青年球員出戰，皆因美斯及丹尼爾等南美兵，踢完世冠後已回鄉「過節」，陣容不整。再者球隊舟車勞頓，肯定不在最佳狀態，加輝認為巴塞只能小勝，捧3.5球細。


（now 632周五凌晨5時直播）


「地上最強」擊敗山度士捧完世冠盃後，隨即要搭長途機從日本返西班牙，所以不少球員都獲得批准，周中休息毋須練波。至於一眾南美及非洲球員更可以提早回鄉度假，因此美斯、丹尼爾、馬斯真蘭奴、艾迪安奴、阿歷斯山齊士、麥士維及施度基達都會缺陣，哥帥已經調派了唔少B隊後生仔去應付今仗。


事實上，巴塞好可能沿用首回合嘅陣式出戰，僅派柏度洛迪古斯或布斯基斯等少數一隊成員去帶住班後生仔落場，實力難免有所削弱，要大勝有一定難度，所以加輝認為3.5球中位數嘅細盤，會係今場最佳選擇。