去親「農舍」冇運行紅魔讓唔起富咸

猪拉多纳

21/12/2011
文： 力奇

喺英超同曼城鬥到你死我活嘅曼聯，今晚出訪富咸隨時有失分危機，事關佢哋近3季去親卡雲農舍球場例牌冇運行，次次失分。中場人腳依然緊絀嘅紅魔鬼對住強陣嘅富咸仲要讓半一，我捧1.86倍下盤。（有線201及301周四凌晨4:00直播）


富咸主場2連勝


紅魔鬼目前排喺英超次席，落後曼城2分當然鬥志十足，不過佢哋中場線依然受住嚴重傷患困擾，近排再有費查加入十字軍長抖養病，加上原有傷兵如路爾斯安達臣同湯卡華利等，踢嚟踢去都係拿尼、卡域克、星仔幾個，想唔殘都幾難。至於前線始終靠朗尼單天保至尊，啱啱傷愈嘅查維亞靴南迪斯狀態始終未得，今仗唔易搵到食o架。




富咸呢邊，英超主場2連勝接連砌低利物浦同保頓，狀態明顯回升。消息指佢哋今仗仲會有射手森莫亞傷愈候命，關鍵時刻隨時可以上場搏殺，而且今季高價加盟嘅哥斯達黎加射手拜仁雷斯又重拾射門鞋，以佢哋近3季主場對紅魔鬼得2勝1和去睇，受讓真係幾抵玩。