拿玻里有飛趁熱食

猪拉多纳

21/12/2011
文： 肥叔

歐洲多個聯賽即將進行歇冬期，臨近聖誕佳節，菠菜市場仍然非常熱鬧，玩埋呢段之後，大家都可以回吓氣，順便檢討今年成績，認真回顧同前瞻，知道自己點贏點輸，仔細總結得失，咁先會有進步。




講番今次推介先，意甲賽事拿玻里主場對熱拿亞，捧主隊！拿玻里今季兼顧歐聯戰線，之前硬仗連場，上場突然輸畀羅馬，唔少人認為呢班波有疲態。球員都係人，你話唔攰就假嘅，但呢班波今時今日已經打起咗，唔會咁易散，今次對住熱拿亞足足讓到一球，個盤硬淨到不得了，反映唔少行家都對佢哋充滿信心，放心玩上盤啦！（周四凌晨3時45分開賽）


羅馬質優唔怕「博」


同日博洛尼亞主場對羅馬，要客隊！羅馬上場搞掂拿玻里，好多人話只係虛火，不過結合臨場飛數，呢個講法絕對唔成立，大戶上次走地力撐羅馬，完全唔放拿玻里在眼內，結果飛到波到，真係唔簡單。羅馬本身有級數，經過季初沉寂，依家有大把上升空間，今仗面對次級球隊博洛尼亞贏面高，作客讓波照捧！（周四凌晨3時45分開賽）




另外，紐卡素上場對史雲斯畀大戶反，最終攻足全場和波輸盤，冇計。「喜鵲」今季水準提升唔少，今次主場對西布朗有望贏波反彈，可秤先主隊。