費倫作客腳軟錫耶納有得W

猪拉多纳

20/12/2011
文： 力奇

曾經喺意甲都威過吓嘅費倫天拿，近年愈踢愈沉，早已經同強隊二字脫離關係。今季佢哋踢完15輪排15位，同降班區差唔遠，今晚佢哋作客護級分子錫耶納，真係咪以為仲有優勢，特別係佢哋客場演出真係屎到震，憑乜贏波，就算平手盤，我都係寧願捧有1.78倍嘅錫耶納。（廣東體育周三凌晨1:00直播）


費倫客戰7場不勝


雖然陣中仲擁有包括基拿甸奴、祖維迪同蒙杜利禾呢啲國腳級球員，之但係費倫今季表現真係好令人失望，至今15戰只得4勝5和6負17分，只係多過護級安全線5分。事實上，球隊演出低迷，其中一個原因，係同重心蒙杜利禾一直拒絕續約，影響軍心有關。最緊要係，佢哋客場嘅戰績恐怖到暈，7戰只得2和5負僅入1球，去親人哋地頭就任人砌，今晚仲可以有乜寄望？




錫耶納呢邊，15戰得14分排尾4，同樣係急住搶分救命。雖則話佢哋喺聯賽4連敗兼未入1球，狀態同樣衰到貼地，但話晒今季主場都有7戰3勝1和3負，成績過得去，憑地利都仲係有一定戰鬥力。水鬥水，撐錫耶納應該可以坐走望贏啦！